Guaire crube un cargue elècte enes ajuntaments dera Val d’Aran?

Aran Amassa ei ua formacion politica que neishec en 2019 damb er objectiu de construïr ua alternatiua democratica ath bipartidisme instaurat enes institucions araneses. Damb aguest objectiu e jos er eslògan “(H)èm era alternatiua” concorrérem, peth prumèr còp tà ues eleccions, eth 26 de mai de 2019 en tot materializar 10 candidatures entre eleccions municipaus e eleccions ath Conselh Generau d’Aran.
Eth resultat des eleccions deth 26M placèc a Amassa coma tresau fòrça politica ena Val d’Aran en tot arténher un totau de 4 cargues d’eleccion dirècta e 2 cargues d’eleccion indirècta: 

  • 1 còssa en Ajuntament de Bausen.
  • 1 còsso en Ajuntament de Les.
  • 1 còsso en Ajuntament de Vielha e Mijaran.
  • 1 còssa en Ajuntament de Naut Aran.
    • 1 vocau ena junta de vesins e vesies de Gessa.
    • 1 vocau ena junta de vesins e vesies de Bagergue.

Er objectiu d’aguesta publicacion ei complir damb eth nòste còdi etic e informar a toti, que crube cada cargue elegit d’Aran Amassa.
Un cargue elècte municipau pòt percéber remuneracion per part der ajuntament de 3 manères diferentes:

  • Indemnizacion o impòrt per assisténcia a Organs Collegiats: se tracte d’un impòrt fix qu’eth cargue elegit arreceberà pera assisténcia a diferenti organs: Comission informativa, conselh de govèrn e plen municipau son es organs mès abituaus.
  • Retribucion per dedicacion laborau: Abituauments eth còsso/sa qu’actue en govèrn municipau perceben un sòu en foncion ath percentatge de dedicacion laborau que destine ar ajuntament. Aguest salari acostume a èster tabulat damb 40.000€ bruti/annaus per ua dedicacion de 100% de jornada laborau. Cada ajuntament, en foncion deth numèro d’abitantes, dispòse d’un numèro d’ores totaus de dedicacion e ei abituau qu’aguestes ores siguen repartides entre diferentes còssos damb un percentatge de dedicacion diferenta per cada còsso/sa.
  • Assignacion a grops politics municipaus: Es ajuntaments acostumen a assignar un impòrt fixe per mes e còsso/sa que va destinat ath finançament deth grop politic municipau.

Impòrts fixadi per Ajuntament ena Val d’Aran:

Ajuntament de Bausen:

Er ajuntament de Bausen aprovèc en plen deth 15 de junhsèga de 2019 establir que cap membre dera corporacion auesse dedicacion parciau e que cap membre arrecebesse diètes ne indemnizacions per assisténcia a plens o comissions.

Ajuntament de Les:

Er ajuntament de Les assignèc ua indemnizacion de 40€ bruti pera assisténcia ath plen dera corporacion municipau e un impòrt de 20€ mensuaus per còsso/sa que compòse eth grop municipau. Ordinàriament i a programadi 4 plens municipaus ar an, en tot poder-se convocar diferenti plens extraordinaris pendent er an.

Ajuntament de Vielha e Mijaran:

Er Ajuntament de Vielha e Mijaran assignèc ua indemizacion de 200€ bruti per assisténcia ath plen municipau e ua indemnizacion de 100€ bruti per assisténcia ara comission informativa prealabla a cada plen. Tanben assignèc un impòrt de 100€ mensuaus per còsso/sa que compòse eth grop municipau. Ordinàriament i a programadi 6 plens municipaus e 6 comissions informatives ar an, en tot poder-se convocar diferenti plens extraordinaris pendent er an.

Ajuntament de Naut Aran:

Er Ajuntament de Naut Aran, a diferéncia dera rèsta de municipis, non assigne cap indemnizacion per assisténcia a organs collegiats. Mès, per contra, assignèc un percentatge de dedicacion a toti es Còssos e Còsses deth plen municipau. En cas des còssos e còsses ena oposicion, er ajuntament assigne 10% de dedicacion que supausen 4.245,25€ bruti annaus.
Tanben assignèc un impòrt de 100€ mensuaus per còsso e còssa que compòse eth grop municipau.

EMD Gessa:

Gessa assignèc un impòrt de 200€ bruti per assisténcia ath conselh de vesins e vesies. Ordinàriament i a programadi 4 conselhs ar an, en tot poder-se convocar diferenti conselhs extraordinàris pendent er an.

EMD Bagergue:

Bagergue aprovèc que cap cargue elegit crube cap sòrta de retribucion.

Anuncis

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out /  Canvia )

Google photo

Esteu comentant fent servir el compte Google. Log Out /  Canvia )

Twitter picture

Esteu comentant fent servir el compte Twitter. Log Out /  Canvia )

Facebook photo

Esteu comentant fent servir el compte Facebook. Log Out /  Canvia )

S'està connectant a %s