Multiplicitat de cargues

Ara que ja an passat mès de 150 dies des dera constitucion des ajuntaments dera Val d’Aran e deth plen deth Conselh Generau d’Aran, des d’Amassa volem hèr ua brèu reflexion sus era multiplicitat de cargues.

Era multiplicitat de cargues ei ua practica abituau (quasi ua tradicion) per part des dus grani partits aranesi, e coma eth sòn nòm indique, consistís eth que diuèrsi cargues requèiguen en ua madeisha persona. Amassa ei ua formacion politica que mejançant eth sòn còdi etic refuse era duplicitat de cargues. Pensam qu’es formacions que la practiquen conceben era figura deth politic coma ua carrèra professionau e açò s’aluenhe fòrça dera nòsta manèra de compréner era politica, qu’aurie d’èster tostemp per vocacion de servici comunitari e per un temps limitat, en tot facilitar atau er accès ara politica a naues persones e en tot evitar qu’eth pas pes institucions acabe en tot devier ua carrèra professionau.

Repassam, com a demorat, definitivament, eth plen deth Conselh Generau d’Aran dempús que bères persones agen refusat era acta de conselhèr en tot non auer trèt es resultats electoraus que demorauen. Semble que bèri politics solament èren disposats a representar ara ciutadania que les auie votat en cas de hèr part deth govèrn e en cap cas èren disposats a exercir aguesta representacion des dera oposicion.

Eth Plen deth Conselh Generau d’Aran ei compausat per 13 Conselhèrs e Conselhères en representacion territoriau de 6 terçons.

D’aguesti 13 Conselhèrs e Conselhères, sonque 5, exercissen exclusivament de Conselhèr o Conselhèra. Es auti 8 acumulen aumens un aute cargue:

  • 4 Conselhèrs e Conselhères son tanben Còssos de diferenti ajuntaments dera Val d’Aran.
  • 4 Conselhèrs son tanben Bailes de diferenti ajuntaments dera Val d’Aran.

Mos trobam, per exemple, que bailes de municipis tant importants coma Vielha e Mijaran e Naut Aran son tanben Conselhèrs deth Conselh Generau d’Aran. Des d’Amassa, mos preguntam s’ua madeisha persona pòt desvolopar es prètzhèts pròpris des sòns 2 cargues damb era madeisha eficacitat e qualitat qu’ac poderien hèr dues persones que se dediquèssen exclusivament a un solet cargue.

De toti es casi de multiplicitat de cargues n’i a 2 que criden mès que mès era atencion.

Eth baile de Bossòst acumule 3 cargues ja qu’ei tanben deputat provinciau ena deputacion de Lhèida. Ei cèrt qu’entà vier deputat provinciau cau èster còsso d’un ajuntament, mès cride era atencion que non sigue un còsso ordinari, e que’n sigue eth baile deth municipi e més tanben Conselhèr per Quate Lòcs deth Conselh Generau d’Aran. S’abans mos preguntàuem s’ua persona damb dus cargues pòt exercir-les damb era madeisha qualitat e eficacitat que dues persones exercint aguesti cargues exclusivament, en aguest cas, encara semble mès malaisit quan s’acumulen 3 cargues de tanta importància com son deputat provinciau, baile e conselhèr (encargat deth departament de governacion) deth CGA.

Mès sense cap sòrta de dobte, i a un cas qu’ei excepcionalament grèu segontes era nòsta opinion. Eth Mgfc. Sr. Sindic deth Conselh Generau d’Aran ei tanben Còsso der ajuntament de Les. Aguest hèt ei notablament grèu ja qu’acumular aguesti dus cargues non acomplís clarament era Lei 1/2015, deth 5 de hereuèr, deth regim especiau d’Aran a on en sòn article 42.2 especifique clarament:

«Eth cargue de sindic ei incompatible damb quinsevolh aute cargue public en quinsevolha auta administracion».

Des d’Aran Amassa contunharam trabalhant entà qu’aguestes practiques, que consideram perjudiciaus entara societat aranesa, desapareishen e contunharam informant e soscant publicament sus ahèrs que consideram que calerie cambiar entà arténher ua Val d’Aran mès justa, plurau, transparenta e participativa.

Aran Amassa.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out /  Canvia )

Google photo

Esteu comentant fent servir el compte Google. Log Out /  Canvia )

Twitter picture

Esteu comentant fent servir el compte Twitter. Log Out /  Canvia )

Facebook photo

Esteu comentant fent servir el compte Facebook. Log Out /  Canvia )

S'està connectant a %s