PLEN EXTRAORDINARI deth 28 de noveme NAUT ARAN

Dempús dera aprobacion dera acta dera session anteriora_ 22 d’octobre de 2019 Taules Electoraus, se procedís ara votacion des següents punts.

2)- APROBACION DES CONDICIONS ENTARA LICITACION DERA CONCESSION DETH SERVICI PUBLIC D’EXPLOTACION DES PISCINES TERMAUS, INSTALLACIONS E BAR MUNICIPAU ENA ZÒNA DE BANHS D’ARTIES.

Aran Amassa vòte a favor, mès hè era suggeréncia qu’enes pròplèus condicions calerie híger un projècte o memòria, en sobre B Judicis de valor. Atau se darie valor ara prepausa de foncionament des que vòlen optar ad aguesta concession. 

3)- APROBACION DES CONDICIONS ENTARA LICITACION DERA CONCESSION E EXPLOTACION DETH SERVICI DE BAR DERA PISCINA MUNICIPAU DE NAUT ARAN EN SALARDÚ.

Aran Amassa vòte a favor, e hè era madeisha suggeréncia qu’ena anterior licitacion. 

4)- APROBACION DES CONDICIONS ENTARA LICITACION DERA CONTRACTACION DETH SERVICI DE NETEJA DES DEPENDÉNCIES E EQUIPAMENTS MUNICIPAUS.

Aran Amassa vòte a favor, pr’amor que mos semble plan interessanta era prepausa que se hè de dividir era neteja des diferentes dependéncies e equipaments en lòts per pòbles e limitar era concession a ua madeisha empresa a dus lòts màxim. Se daurís donques eth concors, non sonque as empreses granes senon tanben a d’autes empreses petites o persones fisiques que siguen interessades.

Sigatz atenti pr’amor que totes aguestes licitacions auran un termini de 26 dies entà presentar es sollicituds dempús dera sua publicacion en Perfil deth Contractant.

5)- PERSONAU_CONVOCATÒRIA E APROBACION DES BASES ENTÀ SELECCIONAR

DUES PLACES VACANTES D’AUXILIARS ADMINISTRATIU/VA DE L’AJUNTAMENT DE NAUT ARAN (PERSONAU LABORAU FIX)_ Aran Amassa vòte a favor.

PLAÇA D’ARQUITÈCTE (PERSONAU FUNCIONARI INTERÍ)_ Aran Amassa vòte a favor.

PLAÇA VACANTA DE TECNIC/A EN TORISME (PERSONAU LABORAU)_ En aguest punt volem rebrembar eth besonh, non sonque deth desvolopament deth torisme, senon tanben  d’ua programacion establa ath long der an que non descuede es persones que viuen ena Val d’Aran. Nosati pensam qu’era figura adequada entad aguest ahèr serie un gestor culturau. Totun, comprenem era figura de tècnic de torisme e demoram qu’ aguesta persona hèsque ua bona programacion entà desestacionalizar, alongar es sasons e promòir un calendari que inclodisque activitats tostemp repartides per toti es pòbles deth Naut Aran. 

Aran Amassa vòte a favor.

6)- APROBACION INICIAU DES PRESSUPÒSTI AN 2020.

En aguest punt Aran Amassa vòte ua abstencion. 

Per ua part, non auem participat dera ellaboracion des pressupòsti. Per ua auta, pensam que mos manque informacion mès detalhada des partides, e que sense conéisher es der an anterior tanpòc sabem se s’ajusten as besonhs reaus dera poblacion. 

Manifestam tanben que mos agradarie qu’ ua part des pressupòsti poguessen éster dubèrti ara participacion des persones deth municipi entà poder decidir a on destinar aguesta part de sòs, pr’amor que defenem era participacion en toti es ahèrs municipaus possibles.

Ath delà d’aquerò, e en tot respóner as demanes des abitants de Salardú, demanam tanben eth desglossament dera partida de hèstes de Salardú que contemple amassa: hèstes de Salardú, hèstes de Baqueira e hestivau deth Country damb ua valor de 300.000€. Pensam qu’ei important era claredat e transparéncia deuant dera destinacion de sòs publics en toti es ahèrs municipaus.

Aprofitam era invitacion der alcalde entà hèr aportacions entà comunicar qu’auem ua prepausa tà promòir er usatge deth compòst en municipi.

7) – APROBACION INICIAU DERA ORDENANÇA DE REGULACION DE PARCATGE DE TOT TIPE VEÏCULS EN MUNICIPI DE NAUT ARAN

En aguest punt Aran Amassa vòte ua abstencion. 

Pensam qu’era ordenança a ua part bona que regula ua des preocupacions recuelhudes des vesins e vesies de fòrça pòbles deth municipi, en çò que tanh ara regulacion de veïculs abandonadi o que dificulten era circulacion per laguens des pòbles o era limpiesa dera nhèu ena sason d’iuèrn.

Per ua auta part, eth punt de partida d’aguesta ordenança siguec ua consulta populara (ena quau votèrem a favor en darrèr plen de Seteme) dirigida ath collectiu d’autocaravanes, coma collectiu afectadi per aguesta naua regulacion, e desconeishem es detalhs des resultats dera consulta. Nombre de prepauses totaus, idies qu’an sorgit, quines en un sentit favorable ara regulacion, quines en un sentit contrari ara regulacion, ne se s’a hèt bèth retorn d’aguesta informacion as persones interessades. 

Més enlà de lançar aguesta prepausa de regulacion, non s’aufrís cap alternatiua ad aguest collectiu deuant dera restriccion que supausarà era aplicacion d’aguesta ordenança. Ne s’a cercat ua solucion ath problèma grèu que se patís der abitatge en municipi.

Es trabalhadors e trabalhadores, atau com ath torisme, tanben contribuïssen ath desvolopament economic deth municipi, e pensam qu’es usatgèrs des autocaravanes van a anar en aument. Ei per aquerò que lançam era prepausa de hèr un estudi de viabilitat en municipi, entà poder méter un emplaçament tad aguest collectiu, atau coma sa hèt en Vielha, e que semble foncione pro ben.

8)- APROBACION DES ACTES DE DELIMITACION ENTRE ES TÈRMES MUNICIPAUS DE NAUT ARAN

Aran Amassa vòte a favor.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out /  Canvia )

Google photo

Esteu comentant fent servir el compte Google. Log Out /  Canvia )

Twitter picture

Esteu comentant fent servir el compte Twitter. Log Out /  Canvia )

Facebook photo

Esteu comentant fent servir el compte Facebook. Log Out /  Canvia )

S'està connectant a %s